You are not currently logged in. Are you accessing the unsecure (http) portal? Click here to switch to the secure portal. |
Difference between revisions of "Page:Gründtliche Beschreibung der Kunst des Fechtens (Joachim Meÿer) 1570.pdf/428"
Page status | Page status | ||
- | + | Not proofread |
Revision as of 13:30, 5 July 2021
Von der Helleparten.
OB wol mein fürhaben nicht ist alhie an disem ort von einem jeden Hauw vnd Stich insonderheit zůschreiben / so hab ich doch nicht vmbgehn wollen / diese sechs Háuw in der Helleparten anfangs hieher zůsetzen / als die nicht allein zůr ůbung dadurch der leib zů aller behendigkeit angefúhret werde nützlich / sondern vil mehr einem jeden der sich in dergleichen Wehren zů ernstlicher gegen wehr geschickt machen will nötig / darumb so magstu die vor allen dingen lernen vnd manlichen von dir treiben / vnd hauwen wie volget.
Kreutzhauw in der Hellenparten von oben.
ALso / fúhrestu dein Lincke hand in der Stangen vor / so komme mit deinem Lincken Fůß im zůfechten auch vor / vnnd hauwe den ersten mit außgestrecktem Arm von deiner Lincken / von oben gegen seiner Rechten schlims durch sein gesicht / vnd neben deiner Rechten zů ruck hindersich durch / also das dein blat neben deiner Rechten oben wider vber vnd fúrschiesse / auff das die spitz deiner Helleparten gegen deines widerparts gesicht stande / aller ding wie du bißher vom Ochsen gelehrt bist / von dannen Reisse als dann mit deinem hocken vberort / vndersich gegen deiner Lincken / also das dein blat der Helleparten neben der selbigen auch hindersich zů ruck durch / vnd gantz fúruber laufft / damit du mit deiner Helleparten zůr Lincken in die Oberhůt kommest zům vorigen Hauw / vnd hauwe also wider wie vor von deiner Lincken von oben schlims gegen seinem gesicht durch / vnd treib das führter wie jetz gelehrt / ein hauw etlich hindersich vnd fůrsich / dem Mann gegen seinem gesicht nach außweisung des vberort kreutz durch.
Kreutzhauw von vnden.
KOmme aber mit deinem Lincken fůß vor / vnd führe dein Helleparten wie vor in der Oberhůt zůr Lincken / von dannen hauwe mit der scherpffe des blats / neben deiner Lincken von vnden gegen seiner Rechten / vbersich vber ort durch sein gesicht / mit solchem vnderhauw fahre mit beiden Armen hoch / also das du nach ende des Hauwes