nechsten Blós inhauwen / das also dein Schwerdt sein kling vnn leib zůgleich trifft / oder so bald dein sterck sein Schwerdt rúhret / so soltu noch also im zůsamen gliitzen / die schwech zůr nechsten Blóß wenden / mit Schnellen / schnappen vnd winden.
Ferner hald dich auch diser lehr / wann du solche stuck Fechten wilt gegen denen er dir durchwechseln kann / als nemlich dieweil du dein Schwerdt in der lufft fúhrest / zů einem Schielhauw oder Krumphauw. Item zům verschrencken / verfellen vnd was dergleichen ist / so bald du gewar wirst das er durchwechseln will / so verfall auß solcher arbeit in den langen schnit / das ist in das Langort der Blósse zů / die er dir geben wirt im durchwechseln / dann so offt er durchwechselt blóst er sich / vnnd in dem du ihme zůr Blóß durchreissest / so wardt mit der Langen schneide seines schwerdts / wo es dir zů nahe komen wolt / das du mit der sterck gegen ihme wendest / vnn gleich wol mit der kurtze schneide auff seiner Blóse bleibest / als bald du gerühret hast / so verharr nicht lenger / sondern laß behendt abfliegen von einer Blóß zůr andern.
Die Zwirch soltu auch halten werdt /
Damit ganz wirdt dein kunst im Schwerdt.
Die Zwiirch ist auch der fúrnemen Meisterstuck eins im Schwerdt / dann du solt wissen / wann die Zwirch nit wehre wie jetziger zeit im brauch ist / were es vmb das halb Fechten geschehen / sonderlich wann du vnder des Mannes Schwerdt darinnen bist / da du nicht mehr mit langen Hauwen durch kreutz Fechten kanst / ob ich schon vornen auch von den Zwirchen geschriben / sovil das wo einer Fechten kan / gnugsam verstand darauß fassen köndte / aber dierweil vil an der Zwirch (wie gesagt) gelegen / zů den ich auch grossen Meistern / sonder vil mehr den lehrnenden zůschreiben mir fúrgenomen / Derhalben ich die Zwirch hie nicht allein wider holen / sonder auch weitláuffiger davon schreiben / zůr lehr denen die solche kunst lieben.
Im zůfechten hab acht / ob der Mann auff dich von Tag / das ist von Oben angreiffen wil / so streich von dem rechten Wechsel auff / gegen des Manns gesicht / in dem er schlagen oder Hauwen will / so laß dein kling neben deiner Linken vmb den Kopff fahren / das dein flech vbersich stehe / vnd dein Daumen vndersich auff deinem Schilt / oder der Schilt auff deinem Daumen lige / trit mit dem Rechten fůß wol vmb sein Lincke seiten zů jhm / gleich mit
