Wiktenauer logo.png

Difference between revisions of "Page:Gründtliche Beschreibung der Kunst des Fechtens (Joachim Meÿer) 1570.pdf/149"

From Wiktenauer
Jump to navigation Jump to search
(No difference)

Revision as of 02:55, 7 February 2015

This page has been proofread, but needs to be validated.

winde (in dem er auffert) aber mit dem knopf vmb seine Arm / also kanst jm von allen seiten wie du jhm angebunden hast / mit gewalt aus vnd einwerts winden / letztlich soltu auch alwegen so offt du einwinden wilt / drei ding betrachté / nemlich zům ersten den haw / Zům andern das einwinden an jm selbs / mit welchem du treffen solt / Zům dritten den schnit / dan dieweil du dich mit dem windé blóssen must / so soltu mit dem Schwerdt hart an dem seinen bleiben / vff das wan er (dieweil du windest) nachfolgen oder abgen will / du jm mit dem schnit nachfolgest / vnd an seinem Schwerdt bleibest / vnd jme dasselbige mit dem schnit außfúhrest vnñ abwendest / oder (dieweil er abgeht) mit gedachtem schnitt der nechsten Blóß zů einfallest.

Ein gůter Bruch auff alle oberháuw.

IM zůfechten schicke dich mit deinem Schwerdt in den Lincken Wechsel / vnd merck (in dem er von Oben gegen dir herhauwet) so trit mit deinem Lincken fůß gegen seiner Rechten / oder auff dein Lincke wol zůr seiten auß / zůgleich mit solchem außtretten Hauwe mit Langer schneide vbersich / gegen seinem herfliegenden hauw / also das du in solchem vbersich hauwen / deinen Schwerdts knopf vnder deinem rechten Arm durch gestossen / vnd seinen streich also mit kreutzigeten henden hoch in der lufft / auff deine Lange schneide in die sterck / auff gefangen habest / in dem nun also die Schwerdter zůsamen rühren vnd glützen / so rucke deinen Schwerdts knopf neidlichen vnder deinem rechten arm wider herfür / damit sich das forter theil deiner klingen / durch solches herauß rucken / hinder seinem Schwerdt / vberhalb seinem Rechten arm hinein / vnd schlims durch sein gesicht wider herauß schwinge / in dem du aber den Vnderhauw also durch einen Oberhauw gegen seinem gesicht wider herauß windest / eben dieselbige weil / trit auch mit dem Lincken fůß ferner gegen der Lincken seiten auß zůruck hindersich / wie du dessen in der Figůr H. an dem grossern Bild zůr rechten Hand ein anzeigung hast / Hauwe jhn also im abtretten durch sein gesicht / wann nun dieser Vnderhauw sampt dem außtrit / vnnd herauß winden in einem huy behendiglichen gemacht vnd volbracht wirt / so geht es dir gewiß vnd wol an / auß disem Windhauw werden auch vil andere vnd schöne stuck genomen vnd zůwegen bracht.

Ende des Schwerdts.