Wiktenauer logo.png

Page:Gründtliche Beschreibung der Kunst des Fechtens (Joachim Meÿer) 1570.pdf/155

From Wiktenauer
Revision as of 17:39, 15 January 2021 by Michael Chidester (talk | contribs)
Jump to navigation Jump to search
This page has been proofread, but needs to be validated.

du auß demselbigen orth vnnd Leger für stuck am fuͤglichesten gegen jhm Fechten sollest, auff das du mit lang bedencken, nicht gesaumpt werdest, Dann in allen Haͤwen vnd stucken komestu jmmer auß einem Laͤger ins ander. Für das dritte solst du deines gegenparts Fechten vnd was er wol für stuͤck auff dich treiben werde, auß seinen Laͤgern lernen erkennen, demnach leichtlich abzunemen, wann er sein wehr, oben oder vnden in ein Laͤger gebracht hat, was er vngefehrlich für stucke auff dich Fechten werde. Weitter dieweil man gewonlich an Legeren wie oben gelert, des gegenmans Fechten spüren oder mercken kan, So solstu für das vierdt wissen, das du in keinem Leger stillzuligen verharren, sondern jmmerdar von einem Leger ins ander abwechßlen, vnd solches nicht allein darumb, das du jhn verfuͤhrest, sonder vil mehr jhn damit jrr zumachen, auff das er nicht wissen moͤge, was für stück auff jn gefochten, oder er auff dich, Fechten solle. Daruon besihe im Rapier vom gebrauch der Huͤtten. Nun will ich volgends zu den Haͤwen, welches das recht Haubtstuck im Fechten ist, fortschreiten.

Von den vier Haͤwen, mit vier guten Reglen, wie man die recht fuͤhren vnnd lernen solle, sampt etlichen angehenckten exemplen.

Das dritt Capitel.

NAch dem die Laͤger oder Hutten mit jren anhangenden Nützen hieuor erklaͤrt, komme ich nun ferner zum Rechten Haubtstucke des Fechtens, vnd seind solches eben die Haͤwe, so auß den Legern endtstehn, Derselbigen aber seind an jhm selber nicht mehr dann vier, Auß welchen die andern alle jhren vrsprung vnd herkommen haben, wie hernach soll angezeigt werden. Dieweil auch dise vier Haͤwe der rechte Grund alles Fechtens, will ich dem guͤthertzigen Leser zu dienste, dieselbigen nicht allein wie sie schlecht an sich selber geHawen, sondern auch, wie sie auff mancherley weise Nutzlich koͤnnen gelehrt vnd getriben werden, ordentlich erkleren, Damit du sehen vnd erkennen moͤgest, wie jmmer ein stuck auß dem andern erwachse, vnnd vrspringlich eins dem andern die handbiete. Dieweil aber gedachte gedachte vier Haͤwe ohn vorwissen vnd kundtschafft etlicher Linien so zu vnderzichtung der Haͤwe dienstlich, nit artlich vnnd eigentlich moͤgen gelert, vil weniger vom Lernenden verstanden werden, Will notwendiglich erfolgen, das ich dich zuuor solcher Linien, welcher massen die gestalt vnnd genennt werden, vnderrichte. Wie nun der Haͤwe nicht mehr denn vier, also seind der Strassen oder