Wiktenauer logo.png

Page:Gründtliche Beschreibung der Kunst des Fechtens (Joachim Meÿer) 1570.pdf/169

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

ten zu ruck durch, das dein vorder orth gleichsfals wie vor, uber dein kopff umbstürtze, damit das vorder orth gegen des Mans gesicht stande, laß als dann andersmals gegen deiner Lincken ablauffen, unnd Hauwe von einer seitten zur andern, biß du auff dein fürgenommen platz kommest.

Krumphauw.

KRumphauw wirdt also gemacht, umbgreiffe dein handthab am Dusäcken wol, also das die Krum schneid im Hauwen vorgang und treffe, Hauwe als dann von Oben, oder Unden mit Krummer schneid nach gelegenheit.

Kurtzhauw.

KUrtzhauw im zufechten, wann du gewar wirst, das er von oben Hauwen will, so hab acht in dem er mit seim Dusäcken zum Hauw auffgehet, so zucke under des dein Wehr gegen deiner Lincken Achsel, von dannen Hauwe mit ihm zugleich mit kurtzer schneid Uberzwerch, oberhalb seim Arm zum gesicht durch, das dein offene hand im Hauwen ubersich stand, so nimstu ihm sein streich, unnd triffest zugleich &c. Auch ist Kurtzhauw zun zeiten kurtz under seiner Wehr durchfahren. Davon du im Schwerdt gelehrt bist.