Wiktenauer logo.png

Difference between revisions of "Page:Gründtliche Beschreibung der Kunst des Fechtens (Joachim Meÿer) 1570.pdf/196"

From Wiktenauer
Jump to navigation Jump to search
 
Page statusPage status
-
Proofread
+
Not proofread

Revision as of 03:22, 6 May 2021

This page needs to be proofread.

Das erste Stuck / in disem wirt gelehrt / wie du jhn mit gleichem Hauw auß dem Stier vberlangen solt / mit einem angehenckten Mittelhauw / sampt einem Stoß / vnd einem kreutzhauw nach.

WAnn du im zůfechten in die Hůt des Stiers komest / vnd dein widerpart hauwet dir zu von seiner Rechten / es sey von Vnden oder Oben / so spring wol auß seinem Streich gegen seiner Lincken seitten / vnd hauw mit jhm zugleich / doch das du mit deiner Wehr vberhalb der seinen bleibestu zu seinem Gesicht / vnd gegen seiner Hand / darinnen er sein Wehr fúhret / mit außgestrecktem Arm gantz durch / also starck / das dein Dusáck wider vber deinem Haupt vmschiesse in den Sturtz / das ist in lincken Stier / von dannen hauw ein Mittelschlag mit außwendiger Fleche gegen seiner Rechté / wider gegen seinem Gesicht durch / das sein Dusáck abermal vber deinem Kopff vmbschiesse in rechté Stier / dise zwen háuw sollen behend vnd starck auff einander gehen / demnach trawe von dañen einen stoß / auff halbem weg e aber zuck den stoß wider / vnd hauwe zwen streich durch das kreutz nach.

Das ander stuck / in welchem gelehret wirt / wie du / in dem er auffgehet / durch sein Arm solt hauwen / vnd in dem er wider herab hauwet / du jhmzugleich oberhald seinem Wehr zum Kopff hauwen solt.

WAñ du im zůfechten in dise Hůt komest / so hab acht / als bald er im hauwen ist / so hauwe jhm vberzwerch / oder von Vnden(in dem er auffzeucht zum streich) von deiner Rechten / gegen seiner Hand durch / demnach hauw auch behend / in dem er wider herhauwet / mit gewaltigem außtretten gegen seiner Rechten / auß seinem streich / aussen vber seinem rechten Arm zu seinem Kopff.