Diewil aber von gemelten stucken fast hin vnd wider in Leger gehandest wirt / ist vnnótig weitleiffig hie dauon zumelden / will allein das notwendigest auff das kürtzest anzeigen.
Und für das erste wie du den ort ein wert zum Leib wenden solt / hast bißher in beiden Hůtten / nemlich Stier vnd Zorn gehórt / derhalben so vil die verzogene Háuw anlanget / merck dise Eexempel / findestu einen im Bogen so binde im auch mit deinem Bogen an / am vordersté theil seines Dusackens / in dem es aber rieret so fúre deinen vorder ort aussen vmb den seinen hinein zum Leib / vnd ziehe jhm die Lang schneid zwischen seiné Leib vnd Dusacken vbersich durch sein Gesicht / F. I. vnd ob du dich wol mit deiné vbersich ziehe in der lufft verfahrest vñ Blóssest / so kanstu dich doch mit vndersich oder gegenschneiden wider fristen vnd erholen.Jtem binde jm mit deinem Bogen andé seinen inn die sterck / vnd in dem die Wehren auch zusamen rúren / so wende mit einem zutrit dein gehiltz vber seinen Dusacken hinein gegen seiner Brust / vnnd trucke jhm sein Dusacken in eil vndersich / vnnd zeihe jm dein Lange schneid hinder seinem Dusacken durch sein Gesicht. Jtem bindestu jhm an naher bey seinem gehültz / hauw (als bald dein Band rieret / so er andern seine Versatzung widerhelt) vó auffen Oberhalb seinem rechten Arm inwendig durch sein gesicht / helt er aber seine Versatzung hoch wann du jhm mit gleichem Bogen an die mitte seines Dusackens gebunden hast / so wende dein kurtze schneide vnder seinem Dusacken einwerts gegen seiner Lincken / vnnd bleib vnder des gleichwol mit dé Band an seinem Dusacken / wende aber mit der kurtzen schneide behend wider gegen seiner Rechten / so kompt jm die kurtz schneid auff den Kopff / oder durch sein gesicht / aller ding wie dich die kleinere Bilder in d figur mit dem K. vézeichnet lehren / zuck behend das gehültz mid vbersich gegen dir / vñ hauw Lang nach / dises stuck scheinet am fürgebé vnmüglich sein / aber wañ du solches zů seiner zeit machest / vnd das behend im ersten antreffen des bandts / so wirstu es ehe dañ er gewahr wirt volbracht haben. Jtem bindet dir einer mit deinem Bogen an deinen vnd ist hoch mit seiner Versatzung / so wende jhm abermal dein kurtze schneide vnder seinem Dusacken einwerts gegen seiner Lincken / damit gibstu dich vornen bloß / welcher Blóß / so er dir deren von Oben zueylet / schneide jm von deiner Rechten / in dem er mit seinem streich herfehret mit eim außtrit auff seine Arm / wie dich solches die grósseré Bossen in den Figur so mit dem K. verzeichnet leren / auß solchem schnit fahr behend mit dé ort gegen seinem Gesicht.
Jtem binde jm auff seiné Bogen mit gerader versatzung das ist
