Page:Gründtliche Beschreibung der Kunst des Fechtens (Joachim Meÿer) 1570.pdf/236

Ein gůt stuck / wie du auß der versatzung vber schnellen vnnd mit Windtháuwen vnd schnellen den rechten Arm suchen solt.

Item schick dich in der Hůt des Ebers / hauwet dein gegenfechter auff dich von Oben / so trit mit dé rechten fůß zu jm / vnd fahr mit dem Bogen gewaltig vbersich / als bald sein Hauw auff dein Dusacké bocht / so bald schnell jm die kurtz Schneid vber die Hand vberhalb seinem Dusacken zu seinem lincken Ort / trit behend mit deinem lincken fůß vberzwerch gegé seiner Rechten auß / vad hauwe jm gewaltig mit einem Windthanw außwendig vber sein rechten Arm / oder alsbald nach geschehenem schnall laß deinen Dusacken wider vmbschnappen / vnd schnell jm aussen zu seinem rechté Arm mit hangendem Dusacken vnd inwendiger flech / demnach hauw vornen durch sein Gesicht / mit einem abtrit / der Brummer vnd der Wecker / brechen beyde den Eber.

Von der Mittelhůt / wie vnd was man darauß fechten soll.

Das vieitzehend Capitel.

Dise Mittelhůt heiß ich darumb also / dieweil solche auß dem Mittelhauw entspringt / du kanst aber nach ende breyer Háuwen in dise Háuwen in dise Hůt komen / als wañ du von deiner Rechten ein krumen Hauw durch die Zorn Lini hauwest / vnd den neben deiner Lincken zu ruck verschwingé last biß in die Mittelhůt / darnach durch den Mittelhauw selber / zum briien auch wañ du ein Krumphauw von vnden durch die vbersich steigent Lini von deiner Rechten gegen deiner Lincken Hauwest / soche drey Háuw verschwingen sich alwegen zu der Mittelhůt am nechsten / du verziehest sie dann mitfleiß zu einer andern.

Zu deren schicke dich / wie das Bild diser figur gegen der rechté Handt außweiset / auß diser Hůt kanstu alle stuck si im lincké Zorn vñ Stier gelehrt werdé auch hierauß fechte / derenhalben will ich dir auch nur auff dr kürtzest arliche stuck erzehlen darauß du gnugsam den brauch diser Hůté lernen würst.