Wiktenauer logo.png

Page:Gründtliche Beschreibung der Kunst des Fechtens (Joachim Meÿer) 1570.pdf/239

From Wiktenauer
Revision as of 01:08, 12 February 2015 by Michael Chidester (talk | contribs) (→‎Proofread)
(diff) ← Older revision | Latest revision (diff) | Newer revision → (diff)
Jump to navigation Jump to search
This page has been proofread, but needs to be validated.

Wie du dein Dusacken aussen vber sein rechten Arm einwerffen / vnd die Lang schneid vbersich durch sein Gesicht ziehen solt.

ODer wañ du also in der Mittelhůt stehest / so merck in de er auff dich hanwet / so trit auß seinem Hauw auff sein Rechte / in disem wirff jhm dein krume schneid gegen seinem Rechten / aussen vber seinen rechten Arm hinein zum Gesicht / vñ in solchem einwerffen bucke deinen Kopff wol / von seinem Streich hinder dein Dusacken / vnd merck fleissig wo er im ersten antreffen nicht hart wider helt / so truck mit der sterck deines Dusacken rucken in der eil vndersich von dir / alsdann ziehe dein Lange schneid vbersich durch sein Gesicht(wie das die obern kleinern Bossen in der figur mit dem I. verzeichnet anzeigen) vbersich in die lufft / vnd in der lufft verziehe dein Dusacké widerumb zu einem Mittelhauw / gegen seiner Rechten wider an sein Dusacken / vnnd wann du jhm also mit einem Mittelhauw von deiner Lincken gegen seiner Rechten wider anbunden hast / so hab acht also bald er vom Band vbersich abgehet / so hauwe jm dieweil er auffgehet vornen zum Gesicht / oder welches sichrer ist / inwendig nach seinem Arm mit einem abtrit / als dañ wehr dich durch das Kreutz.

Wo er aber sein Hauw gegen deinem einwurffin ein Versatzung verwenden wurde / so zuck dein gehültz wider vbersich gegen deiner Lincken / vnd laß oben in der lufft vm dein Kopff fliegen / hauwe als dann von deiner rechten von vnden mit krummer schneid vbersich mit sterck durch / das dein Dusack wid zuu deiner Lincken kom / es sey in die Zorn od Mittelhůt / von dannen hauw bald ein Kreutz nach.

Wie du auß der Mittelhůt gegen deinem Widerpart der nicht hauwen will / fechten solt.

WO dir aber dein gegenpart nicht will hauwen / so sicht auß der Mittelhůt alo gegen jm / wie volget. Merck als bald du jn erlangen kanst / so hauwe ein kreutz durch sein Gesicht / wo er aber sein Dusacken außgestreckt hat zur Versatzung6so ficht jm solches kreutz zur hand darinné er die Wehr fúhret / mit solchem kreutzhauw wirstu jn treiben / oder reitzen / das er auch hauwen wirt / als bald er solches thůt / so biß behend fertig