You are not currently logged in. Are you accessing the unsecure (http) portal? Click here to switch to the secure portal. |
Difference between revisions of "Page:Gründtliche Beschreibung der Kunst des Fechtens (Joachim Meÿer) 1570.pdf/270"
Page status | Page status | ||
- | + | Not proofread |
Revision as of 15:48, 27 May 2021
vortheil vnnd nicht gewalt / zů allen gezogenen háuwen gehórt / wirstu vil schóner vnd künslicher stuck daraus Fechten kónnen.
Halßhauwe.
DEn ficht auff solche weiß / fúhr dein gewehr zůr Rechten in der Vnderhůt / oder Eisenport / vñ wart ob er dir von seiner Rechten zůfechten wólle / sticht oder hauwet er dañ von selben gegen deiner Lincken her / so spring wol gegen seiner Lincken aus seinem stich oder hauw / vñ zůgleich in solchem sprung / schlage mit der inwendigen flech vberzwerch / oben auff die sterck seiner klingen / vnd in dem dein flache klingen auff die seine rúhret / so spring vnder des behend noch ferner gegen seiner Lincken seiten vmb / in des zeuch jm dein scharpff schneid (nach dem du jhm sein kling mit der flech vndersich getruckt hast) gegen seiner Rechten durch sein Halß / wie du nun solches von diser seiten volbracht / also kanstu es auch von der andern seiten ins werck richten / auch kanstu den hauw ohn alle vorbereitung / frey nach dem er sich verfallen oder verhauwen / durch ein Mittelhauw vberzwerch gegen seinem Halß volfúhren / wie du dessen in stucken hernach gegnugsame exempel haben wirst.
Fůßhauw / vnd vom Mittelhauw.
MIt dem Fůß wirt hie verstanden das ganz bein / vom Knie an biß auff die Fůß solen / zů welchen kan gehauwen werden vberzwerch vnnd schlimms / Der vberzwerch ist nichts anders dann der Mittelhauw / er geschehe hoch oder nider / Der schlims der Zornhauw / jedoch soltu zů keinem fůß hauwen / du habest in dann mit dempffen davon hievor gelert / geschwecht / oder aber