Wiktenauer logo.png

Page:Gründtliche Beschreibung der Kunst des Fechtens (Joachim Meÿer) 1570.pdf/304

From Wiktenauer
Jump to navigation Jump to search
This page needs to be proofread.

gen gleich in dem schwung (welchen er der klingen mit seinem ausschlagen) geben hat / vmbschnappen zům stich / vnd stich jhm eben zů derselbigen / von welcher aus geschlagen hat hinein.

Als nemlich ficht er von seiner Rechten gegen deiner Lincken / du aber versetzest jhm von deiner Rechten / sampt dem austretten gegen seiner Lincken (wie bißher gelehrt) mit ausgestreckter Wehr / vnd stichst jhm also von der versatzung ab / gerichts gegen seinem gesicht zů / das mus er dir (wo er anders nicht will getroffen werden) wehren / vnd dir dein klingen gegen seiner lincken ausschlagen / als bald er das thůt / so trit wol aus gegen seiner Rechten seiten / vnnd las dieweil dein klingen vmbschnappen in die rechte Oberhůt des Ochsens / dar zů er dir dann mit seinem ausschlagen fürdernus geben / vnd stiche demnach behend auswendig seines rechten Arms / krefftiglich aus gedachter Oberhůt hinein / wie du nun solches gegen seiner Rchten volbracht / also kanstu es auch von deiner Lincken in das werck richten.

Wie du dem der dir den ersten Stich außschlagen will / Durchwechseln vnnd zů der andern seyten stechen solt.

MErck wann du jhm seine Háuw vnd stich mit ausgestreckter klingen von dir abweisest / vnd nachstechen wilt / wei bißher gelehrt / wirst aber vnder dessen gewahr das er versetzen wil / so schauwe das du nicht zů nahe zů jhm getretten seyest / vnd merck fleissig in dem er mit seinem gefeß zůr versatzung aufffehrt / so volfúhre deinen stich (den du dann mit geberden gezeige oder getrauwet haben solt) nit / sonder fahre mit deiner Wehr (dieweil er auff gefahren ist) vnder der seinen durch / vnd stich jhm zů der andern seiten krefftiglich mit ausgestrecktem Arm hinein zů