Wiktenauer logo.png

Page:Gründtliche Beschreibung der Kunst des Fechtens (Joachim Meÿer) 1570.pdf/321

From Wiktenauer
Jump to navigation Jump to search
This page needs to be proofread.

Ein anders.

MErck begegnet dir einer in solcher steiffer vnd gerader versatzung / davon bisher gelehrt / so trit mit gleicher versatzung zů jm / vnd wann du jhm sein klingen in der mitte erlangen kanst / so erhebe eilents dein Wehr mit ausgestrecktem Arm vbersich / biß in die Rechte Oberhůt zům streich / vnnd Hauwe von derselbigen vnversehenlich mit einem fernern zůtrit deines Rechten fusses / von Oben schlims durch die mitte seiner klingen / also starck das du durch solchen hauw mit deiner Wehr bis in die Mittelhůt zůr Lincken kommest / von derselbigen hauw abermals behendig ich vberzwerch gegen seiner Rechten seiten durch sein gesicht / vnnd gilt gleich ob du den mit Langer / halber schneid / oder fleche volbringest / doch also das dein Wehr durch solchen starcken flug neben deiner Rechten oben wider vmbschiesse / in die selbige Oberhůt zům stich / von dannen stich fernern gewaltig mit starckem verwenden gegen seiner Brust / also das die Lang schneid in solchem furt stechen durch das verwenden vndersich kome / vnd in die Lincke Vnderhůt verfalle / von dannen fahr behend vbersich in die Oberhůt des rechten Ochsens / aus welcher Hůt du als dann die stuck so hernach darinnen beschrieben werden Fechten solt.

Ein anders.

IM zůfechten fúhre dein Wehr auch in gerader versatzung doch hoch / vnnd merck in dem er sein Wehr also ausgestreckt vor jhm her fúhret / so schlage jhm sein klingen vnversehens mit hangeder klingen behendiglich von dir zůr seiten aus / fast auf solche weiß wie dir solches das