Wiktenauer logo.png

Page:Gründtliche Beschreibung der Kunst des Fechtens (Joachim Meÿer) 1570.pdf/381

From Wiktenauer
Jump to navigation Jump to search
This page needs to be proofread.

Ein anders.

Sticht einer ernstlich auff dich her von Oben / so fang jhm seinen Arm hinder seinem Dolché zwisché dein beide hend / die dann kreutzweiß vber einander / die Rechte vber die Lincke geschrenckt sein sollen / vnd in der versatzung greiff jhm sein hand gleych / oder den Arm nahet darbey / mit deiner Lincken verkehrten hand hart an / reib jhm die vbersich von dir / vnd trit hiemit auch zůgleich mit deinem rechten Fůß hinder sein rechtes Bein / vnnd fall jhm mit deiner rechten Hand vornen an sein gurgel / wirff jhn also an rucken von dir / wie du solches in der Figur D. zůr rechten Hand sehen kanst.

Merck sticht dir einer von vnden / vnd felt dir mit seiner Lincken hand zůgleich an dein brust / oder hals / gegen deiner Lincken seiten / so schlag dein Lincken Arm aussen vmb sein Lincken / vnd mit deiner Rechten hand begreyff sein Lincken an deiner Brust / vnd stoß starck auff dein Lincke seyten / so brichst jhme den Arm.

Item greifft er dir aber an dein rechte Brust / vnd Sticht vnden / so versetz jhme den stich mit der Lincken hand / vnnd in der versatzung so stoß mit deiner Rechten hand sein Lincke hand von der Brust / also das der Rechte daum vnden sey / vnd in dem stoß fahr bald mit deinem Arm vnder seinen halß / vnd mit der Lincken hand so greyff vnder sein Knibüge / so bald als du hast versetzet / vnd wirff jhn vber dein recht Kni.

Stehe mit dem Lincken Fůß vor / vnnd halt dein Lincke hand auff der Brust / Sticht er dir demnach gegen deiner Kehl / so versetz jhm den Stich starck von deiner Brust / auff das glid hin