Page:Gründtliche Beschreibung der Kunst des Fechtens (Joachim Meÿer) 1570.pdf/384

hand / vnd mit solcher versatzung begreyff auch sein Rechte hand / mit deiner Rechten verkehrten / Ruck die zů dir vmb / vnd fall starck vber seinen rechten Arm in der mitte hinder dem Elenbogen / vnd truck also von dir so brichst jhme den Arm.

Ein stuck im durchgehn.

ITem im zůfechten nim den Dolchen in der mitte / vnnd fúhr von deiner Rechten ein Mittelstich vnder seinen Armen durch / so kommestu in die Linck vnderhut / Sticht er nach / so nim mit dem Knopff von dir auß / vnd Stich jhm lang nach von deiner Lincke vber sein Rechte / zů seinem Kopff oder gesicht.

Item in was stuck dir einer dein rechten Arm erwischt oder greifft / es sey mit beyden oder einer hand / so schlag jhn von vnden auff starck in sein gelenck / oder fall jhm außwendig vber sein Arm / mit stóssen oder schlegen in sein gelenck / oder greyff jhn an mit Ringen.

Wie du einem sein Stich hinderen solt.

WAnn du mit einem zů thun hast / der ein Dolchen an hat vor welchem du dich besorgest / so fal jhm an die nechste hand mit gleicher hand / als mit der Rechten seine Rechte / sein Lincke mit deiner Lincken / mit welcher hand du in ergreyffest / zů derselbigen Ruck im sein hand / zůckt er als dann mit der andern hand seinen Dolchen / so greyff mit der andern hand aussen vber den selbigen Arm den du zů dir gezogen hast / vnd ergreiff also den andern Arm bey der Mauß / wie der bos=