Page:Gründtliche Beschreibung der Kunst des Fechtens (Joachim Meÿer) 1570.pdf/446

Ein gůt stuck auß diser Oberhůt.

WAnn er aber nicht zů erst stossen noch arbeiten will / so erhebe deinen Lincken fůß / vnnd lasse dich mit geberden mercken / als woltestu gewaltiglich gegen jhm von Oben stossen / thů es aber nicht / sondern tritt mit deinem auffgehebten Lincken Fůß weiter fúrt tu jhm / vnd im wider nider setzen desselbigen / stosse von der achseln gegen seinem gesicht / Disen stoß lasse aber wie gemelt nicht fúrtgehn / sonder verschwing deinen Spieß eben in dem jetz gemelten fúrttretten vnd nidersetzen deines fusses / mit dem hindern theil vndersich auff dein fúrgesetzt Linck kni / in die Vnderhůt / aldo wart / dieweil er ohn zweiffel bald nachstossen wirdt / dann so du jetzgemelten stoß mit ernsthaftten geberden recht gefúhret hast / so scheint es nicht anders / dann als habestu dich versossen / derhalben er dadurch angereitzt wirt / mit seinem stoß zů eilen / vnnd verstoßt sich hiemit selbs / denselbigen stoß (welchen so bald er den herfúhret) nim jhm mit einem seiten schlag (doch das du mit demselbigen nicht verfahrest) auß / vnd stoß vom schenckel gerad fúr dir hin / gegen seinem gesicht.

Fechten aus der vnterhůt.

SChicke dich in die Vnderhůt also / das deinen Spieß auff deinem fúrgesetzten kni / das das vorder ort gegen des mans gesicht stand / ligen habest / davon du oben gelehrt bist / vnd nim also fleissig wahr auff sein herstossen zů welcher seiten er herstoßt / so trag jhm seinen herfliegen stoß mit verwenden ab / vnnd trit zůgleich gegen der andern seiten mit den hindern Fůß aus / vnd stoß also zůgleich mit jhm hinein.

Im Vor arbeiten.

WIll er aber nicht zů erst stossen / sonder wartet auff den deinen / so binden jhm in die mitte seiner stangen an / vnd fúhle aldo ob du jhm die in einem eyligen vnd uhnvershenen / truck auff ein seiten außrucken kónnest / demselbigen truck nach / lasse behend dein Spieß fúrt schiessen gegen seinem gesicht / Oder so du jhm also hat angebunden / so wechsel fúrsichtiglich einmal zwey / vnder seinem Spieß zů beiden seiten durch / vnd merck vnder des fúrs erste fleissig auff welche seiten er sich deinem durchwechseln hach verfahren wirt / das du jhm dieweil behendiglichen mit stossen zůr Blóß eylest / Fúrs ander wann dir einer nun also durchwechselt / so nim fleissig war, wo er sich mit