Wiktenauer logo.png

Page:Gründtliche Beschreibung der Kunst des Fechtens (Joachim Meÿer) 1570.pdf/166

From Wiktenauer
Revision as of 01:59, 10 February 2015 by Michael Chidester (talk | contribs) (→‎Proofread)
(diff) ← Older revision | Latest revision (diff) | Newer revision → (diff)
Jump to navigation Jump to search
This page has been proofread, but needs to be validated.

der Scheydel Lini nach zu dem Kopff / oder durch sein Gesicht / mit einem weiten zútritt: Dise sechs Háuwe sollen geschwindt nach einander lauffen. Zu solchen Háwe bleib allwegé mit dem Rechten Fússe vor / vnd so du fürter zu den Háuwen tretten wilt / wie du denn zu einem jeden Háwe einen tritt haben solt / so erhole dich alwegen mit dem hindern Fússe etwas zu dem forderen / so kanstu mit dem Rechten witer einen fürtritt haben.

Das kreutz wechseln durch den Mittelhauw.

DJss Kreutz lang hauwen / vnd von einer seitten zúr andern Wechseln / durch den Mittelhauw / ist sehr gút / in welchem du die Mittelháuw allwegen mit außgestreckten Armen stárcker von dir hauwen solt / dann die andern zwen Schlime durch das kreutz / vnd das treib also: Nemlich hawe den ersten von oben Schlims gegé seiner Lincken durch / Den andern hawe von deiner Lincken gegen seiner Rechten auch Schlims von oben durch. Die dritten hawe von deiner Rechten gegen seiner Lincken vberzwerch / durch die Mittel Lini / so kompstu mit deinem Dusácken zu deiner Lincken in die Mittelhút: Von dañen fang wider an / vnd hawe den ersten von deiner Lincken Schlims durch seine Rechte / den andern aber Schlims durch seine Lincke / alle beide von Oben / Den dritten wider ein Mittelhauw gegen seiner Rechten / von deiner Lincken / vnd Furter haw wider von deiner Rechten / das treib ein Hauw sechs oder siben / auff einander / Zu solchen Háuwen bleib allwegen mit dem Rechten Fússe Vor.

Ein kreutz Wechsel.

DAs Kreutzwechseln treib also:Steh auch mit dem Rechten Vor / wie allwegen / vnnd hauwe den Ersten von deiner Rechten durch seine Lincke Zorn Lini mit einem Weiten Zútritt / so kompstu in Lincken Wechsel:Von dañen Reiß mit Kurtzer schneide wider vbersich / durch die obgemelte Zorn Lini durch welche du mit dem Zornhauw / herab kommen bist / Vbersich / gegen deiner Rechten Achsel / laß oben in der Luffte vmb deiner Kopff fahren / vñ hauwe den andern durch seine Rechte Zorn Lini / schlims vber deiné