Waň nun also zwen / mit obgemelté háuwen zůsamé treffé / so geberé di zwey Hauptstuck / als hauwen vnnd versetzen / dieweil ein jeder licher mehr hauwen dann versetzen wolte / ein wunderbarlichen kampff / also das jetz diser dann jhener schlecht / bald jhener dann diser versetzt / kempffen also beyd mit gleichen stucken vmb das Vor / vnd obligen.
Welche Practick ob sie wol schwerlich zůuerfassen / Nemlich weň / od wohim / ein jeder hauw zů rechter zeyt angelegt vnd volbracht werden kan / so hab ich mich deß Vor vnnd nachs / durch alle stuck dermassen beflissen / Also das ich verhoff / es werde der fleisstge Leser nicht ein geringe anleitung zů der Practick haben kónnen / dieweil zwifachen den dreyen mitlen kein vnderscheid mag gefunden werden / nemlich zwischen Vor / Gleich / vnd Nach / dň jhe ( waň jren zwen mit Wehren zůsamen wóllen ) einer vnder jhnen Vor das ist zům ersten hauwen / darauß daň folgt das der ander nachhauwen wirdt / oder werden beyde zůgleich hauwen mússen / Nun harder / der den ersten streich thůn wil / wol zůbedencké ob er sich nicht etwan hiemit in ein gefahr gebe / vnd also ( wo er den vortheil hieriňen zůnemen nicht wuste ) in seinem eigene hauw gefangen vnf ereylt wurde / Deßgleichen hat es ein ander bedencken in den Nachháuwé / auch in andern vortheil mit den háuwen so zůgleich geschehen / damit sie nicht beyd ein ander treffen / wie vil geschicht / Derhalben hab ich ( wie gesagt) in allen háuwen vň stucken den vnderscheid mit fleiß vnd nach der lenge außgefúhret / vnd sonderlich gelehrt / wie man etliche háuw zům anreitzen / jhn damit auß seinem vortheil zů bringé / etliche zům nemen / das ist waň du jhn durch obgemelt anreytzen / zů einem hauw auffbracht / denselbigen mit einé gegenhauw abwendest / oder mit versatzung entpfangest / vnd daň zům dritten wtlich zům treffen brauchen soll / wie du solches im Dusacken vnd Rappier durch auß sehen wirst / vnd zwar so findt sich heiriňen erst die rechte kunst / vnd Practick / in welcher sich des menschen vernunfft / scharpffsinnigkeit / geschwinde bedachtlichheit / fúrsichtigkeit geschicklicheit / vnnd manlicheit sehen last / vnd herfúr thůt / dann hie scheid sich die kunst nach den personen / also das ein schlecht stuck / von einem bedechtlichen sinreichen / vil fruchtbarlicher ins werck gericht / dann von einem olbern / der besten eins gefochten wirdt.
Dieweil nin ein jeder / gleich wie er sonst anders dann der ander gesinnet / auch im Fechten anderst gebaret / so hat mich zwar fúr gůt angesehen / die háw auff allerley weiß ( beyde wie man die hauwen / vnd die gegen jhm gehauwen werden ) abwenden sol / zůhandlen / damit jhme ein jeder / er sey starck / schwach / behend oder langsam /
