Wiktenauer logo.png

Page:Gründtliche Beschreibung der Kunst des Fechtens (Joachim Meÿer) 1570.pdf/200

From Wiktenauer
Revision as of 01:19, 11 February 2015 by Michael Chidester (talk | contribs) (→‎Proofread)
(diff) ← Older revision | Latest revision (diff) | Newer revision → (diff)
Jump to navigation Jump to search
This page has been proofread, but needs to be validated.

hültz / auff das du jm dasselbige mitgemelté Hauw anrúrest vñ treffest / Jn dem aber dein Hauw also durch sein gesicht herfleugt / so zuck zu gleich auch dein gehültz wider vbersich / vnd trit vnd des mit deiné lincken Fůß hind deinem Rechten gegen seiner Lincken / vnd folge mit dem Rechté auch ferner zu jhm gegen gemelter seitten / hauwe also behend den andern mit solchen tritten gared von Obé durchs gesicht / dise zwen Háuwe / nemlich d vberzwerch / demnach der Ober sollen sampt mit gelechrté tritten behendiglich vnd geschwind auff einander volbracht werden / so gehet das Stuck wol an.

Ein Exempel vnd Stuck / wie du dem / der bald nachhauwet / durch die schweche seines Dusáckens (in auffzůbringen) hauwé / demnach seinen Hauw auffangen / vnd mit krummer schneid zur Rechten / mit langer zur Lincken / durch sein Gesicht hauwen solt.

Weiter helt oder fúhret er seinen Dusacken weit vor jm außgestreckt / vnd ist bereit auch bald nachzuhauwen / so tritt vnd hauwe den ersten von deiner Rechten auß gemelten Stier / gegen seiner Lencké abermal durch die schwech seines Dusackens / disem Hauw wirt er bald nach hauwen wóllen / in meinung dich zuereylen / derhalben zucke behend nach dem ersté streich dein gehültz wider vbersich vmb deinen Kopff / vnd hauwe den andern auch von deiner Rechten / doch vberzwerch gegen seiné Hauw / zu welché du jn dañ mit deinem ersten durchhauw angereitzt vnd auffbarcht hast / auff das di jm denselbigen (dieweil er noch also im herfliegen ist) auffangest / aller ding wie dz grósser Bild in der Figur welche mit dem Buchstaben G. verzeichnet / gegen der Rechten hand anzeiget / als bald sein Hauw also auff die Lange schneid deines Dusackens rúret oder bocht / so tritt behend mit deinem lincken Fůß gegen seiner rechten Seitten auß / vmb / vnd zugleich mit solchem tritt zucke deinen Dusacken wider ab von seiner Wehr vm dein Haupt / vnd hauwe mit krumer Schneide ausserhalb seinem rechten Arm zu seiné Kopff / wie dich dañ solches die kleinern Bilder zwischen den grossen auch in gemaltet Figur lehren / das můß er (wo er anders nit will getroffen wern) versetzé / aber in dem er dir solches wehren vnd versetzen will /