Wiktenauer logo.png

Page:Gründtliche Beschreibung der Kunst des Fechtens (Joachim Meÿer) 1570.pdf/205

From Wiktenauer
Revision as of 01:22, 11 February 2015 by Michael Chidester (talk | contribs) (→‎Proofread)
(diff) ← Older revision | Latest revision (diff) | Newer revision → (diff)
Jump to navigation Jump to search
This page has been proofread, but needs to be validated.

Ein gůt stuck außdem Stier / mit welchem du gewaltig durchbrechen kanst.

Merck im zůfechten / als bald du nun deinen gegenpart erlangen kanst / so tritt vñ hauwe einen starcké Hauwe mit außgestrecktem Arm gewaltiglich durch seine versatzung / also / das sich dein Dusacken nach ende des Hauwes neben deiner Lincken mit dem vordern Ort hinder dir auß zufechten / verschwinge / von dannen Hauwe herwiderumb / abermals gewaltiglich vnd starck von Vndenn vbersich durch seiné Rechte / den dritten hauwe von deiner Rechten gegen seiner Lincken / es sey Vnden oder oberhalb seines Dusackens / durch sein Gesicht.

Ein gemeine Regel / allerlen handstuck zůbrechen.

Ob ich wol erstlich für hatte / einem jeden Suck seinen sondern Brůch zu ordnen vnd zu setzen / so hat es mich doch für gůt angesehen / solches allhie anzůstehen lassen / besonders dieweil ich in meinem andern Bůch (welches ich mit der zeit / auch der Kunst zu gůt / villeicht wirt außgehen lassen) vil schóner stuck sampt jhren Brüchen gesetzt vnd beschriben / will derwegen allhie allein ein general Regel / darauß du allerley Handbrüch nemen vnd lernen kanst / dargeben / Zu dem / so ist es auch mit dem Fechten also geschaffen / das du nicht leichtlich wissen / oder in eil mercken kanst / was er fúr Stuck auff dich Fechten wólle / will geschweigen / das du soltest so behend wissen mógen / wie jm das zubrechen sey / darumb halt ichs allzeit mit dem / der vil stuck vnd wenig Brúch kan / als dann auch dieselbige / im Vor vnd Nach / fürsichtiglich durchfechten / vnnd lasse den andern vmb die Brúche sorgen / er aber sey mit stucken also gefaßt / auff das / wo jhm eines gebrochen wirt / er zwey andere an die stat / vnd schon im werck habe.

Der gemeine Brůch aber welchen ich hie setzen will / ist diser / nemlich also / wann du von deinem gegenfecgter mit háwen vbereilet wurdest / also das du jhm versetzen must / so gehe jhm mit stacker versatzung vnder seine Háue / vnd halt jm die auff / das er mit solchem nicht durch kommen kónne / damit er seinen Dusacken wider von dem deiner zu ruck vmb zucken músse / stiche jhm als dann dieweil er also von