Wiktenauer logo.png

Page:Gründtliche Beschreibung der Kunst des Fechtens (Joachim Meÿer) 1570.pdf/290

From Wiktenauer
Revision as of 02:28, 12 February 2015 by Michael Chidester (talk | contribs) (→‎Proofread)
(diff) ← Older revision | Latest revision (diff) | Newer revision → (diff)
Jump to navigation Jump to search
This page has been proofread, but needs to be validated.

Sperren.

MErck hauwet dir einer auswendig zů deinem rechten Fůß / wann du in der Eisenporten stehest / so sencke dein klingen mit dem ort vndersich auff die erdt / ausgestreckt gerad vor deinem Fůß / vnd weich mit austretten ein wenig beiseits / aus seinem hauw gegen seiner Rechten / Sperre jhm als dann sein kling das er nicht durchkommen kan / also kanstu jhm alle háuw die er vnden durch hauwen will Sperren / vñ auffhalten / was aber sonst weiter Sperren sey / findestu hievor jm Schwerdt.

Außschlagen mit hangender kling

DIses außschlagé volget aus dem Sperren also / Hauwet oder sticht dir einer gerichts zů deinem vndern leib / so zůck in dem er sein Wehr herfúhret / dein rechten Fůß zůruck biß zů dem hindersten / vnd erhebe zůgleich auch dein Wehr vbersich / Hauwe also mit ausgestreckter Wehr doch das die kling ein wenig vndersich hang / von oben nider / sein kling von deiner Lincken gegen deiner Rechten aus.

Oder schicke dich in das Lang ort hoch / sticht dir dein gegenpart vnden zů / so laß dein kling von deiner Lincken gegen deiner Rechten etwas vndersich sincken / vnd Hauwe in also sein klingen mit gesencktem wehr von dir / zwischen dir vnd jhm zůr seiten aus / folg stehend mit deinen stucken nach.