weil er sein Wehr vmzucket) stracks für dir hin zů seinem gesicht / Brust oder dem bauch zů / damit er aber dester ehe ab zů gehn / vnd zů hauwen angereitzt werde / so magst jhm ein Blóß doch mit deinem vortheil betrieglichen darbieten / dauon hernach weiter.
Wie du deines widerparts Háuw vnd stich aufffangen unnd nach hauwen solt.
TRit mit offtgemelter gerader Versatzung zů dem Mann hinzu / vnd merck alda von welcher seiten er her stechen oder hauwen wóll / von vnden oder von Oben / fúhret er nun seine háw vnnd stich von seiner Rechten / gegen diener Lincken von Oben her / so wende dein Lange schneide sampt dem gefeß mit ausgestreckter Wehr gegen seiner herfliegenden klingen / vnnd in dem sein klingen noch jm herfliegen ist / so trit dieselbige weil mit deinem Rechten fus gegen seiner rechten zůt seiten aus / auff das so bald sein klingen auff die deine fellet oder antrifft / du nach in demselbigen trit jhm behendiglich / mit wider vmbgezuckter Wehr durch seine Rechte seiten hauwen kónnest / es sey hoch oder nider durch sein leib nach gelegenheit / so kompt dein Wehr nach ende solches hauwes in die rechte Vnderhůt / von dannen fahr wider auff zůr versatzung.
Eben desgleichen thůn jhm auch / wann er von seiner Lincken gegen deiner Rechten herhauwen wurde / vnd versetze jhm den auch mit ausgestreckter Wehr / in deir sterck deiner klingen / vnd trit eben in dem du dein gefeß zůr versatzung ausstreckst / mit deinem rechten fus gegen seiner Licken / als bald nun sein klingen auff die deine gliitzt / so lasse dieselbige wider zůruck vmb dein Kopff fahren / vnd Hauwe also mit obgemeltem trit / eben gegen seiner Lincken seiten (von wel=