Wiktenauer logo.png

Page:Gründtliche Beschreibung der Kunst des Fechtens (Joachim Meÿer) 1570.pdf/318

From Wiktenauer
Revision as of 03:37, 12 February 2015 by Michael Chidester (talk | contribs) (→‎Proofread)
(diff) ← Older revision | Latest revision (diff) | Newer revision → (diff)
Jump to navigation Jump to search
This page has been proofread, but needs to be validated.

pen trit wol auß noch ferner gegen seiner Rechten seiten / vnd Stich von Oben mit starckem verwenden gegen seinem geischt / also das du mit solchem stich mit deiner Wehr in die Lincke Vnderhůt verfallest / von dannen ficht ferner die stuck so du hernach in diser Hůt beschriben findest.

Ein anders auff den / der sein Wehr zů seiner Rechten seyten fúhret.

IM zůfechten fúhre einen gewaltigen Hauw gegen seiner Lincken / aber auff dem weg dieweil du noch im herhauwé bist / so wende die kurtze schneide einwerts gegen jm / auff das es scheine als stechestu von Oben / aber merck in dem er aufffehret zů versetzen / vnd solcher Stich eben jetz antreffen soll / so lasse die klingen vollends vndersich gegen der erden hangen / vnd zůcke das gefeß (mit von dir außgestrecktem Arm) ferner vbersich / fúhre jhm also sein klingen (wo er anders vnder des herstechen würde) mit verhengen (das ist mit hangender Wehr) zůr seiten auß / zůcke alos dein gefeß mit hangender klingen in solchem ausnemen gegen deiner Lincken Achsel / wende auch dein Rechte seiten dem Wehr wol gegen deiner Lincken seiten nach / vnd Hauwe von derselbigen (mit zwifachem außtretten gegen seiner Lincken) oberhalb seinem Wehr gegen seiner Rechten schlims durch sein gesicht / also das du nach ende des hauwes zů deiner Rechten in die Vnderhůt kommest / von dannen Stich behendiglich gerichts vor dir hin gegen seinem gesicht / in das Lange ort / ficht er dir weiters zů / so schneide seine klinge von dir wegk.