Wiktenauer logo.png

Page:Gründtliche Beschreibung der Kunst des Fechtens (Joachim Meÿer) 1570.pdf/86

From Wiktenauer
Revision as of 01:13, 6 February 2015 by Michael Chidester (talk | contribs) (→‎Proofread)
(diff) ← Older revision | Latest revision (diff) | Newer revision → (diff)
Jump to navigation Jump to search
This page has been proofread, but needs to be validated.

Hauwe mit Langer schneide von Vnden gegen seinem Lincken arm / so stehestu wie das Bild zůr Lincken an den kleinern obern bossen gegen der Rechten handt / in der Figur G. anzeigt / hie mercke wann dir im abtretten ein solcher Vnderhauw nach deiner Lincken vndern Blósse gehauwen wúrde / so trit mit dem Lincken fůß zů jhm / vnnd fall jm mit geschrenckten henden vnd kurtzer schneide auff sein Schwerdt / steck jhm also den Vnderhauw wie solchs an dem andern Bild in obgedachten bossen gegen der Rechten handt zů sehen / Vnnd merck weiter / in dem er als dann sein Schwerdt wider zů jhm vbersich zeucht / so rucke dein Schwerdt also mit kreutzigten henden vollen gegen deiner Lincken / vnd in dem er wider herschlecht / so nimme jhm denselbigen herfliegenden Hauw mit deiner auswendiger flech / von deiner Lincken gegen seiner Rechten / überzwerch starck aus / also das dein Schwerdt oberhalb dem Kopff in vollem flug wider vmbfliege / vnd das sich deine hend in der lufft wider vbereinander schrencken dieweil aber dein Schwerdt also Oben vmbfleuget / so trit wol gegen seiner Rechten / bleib aber gleichwol mit den henden hoch / vnd laß die halb schneide durch ein Zürck neben seinem Rechten or (doch das dieselbige treffen oder anschürpffe) ablauffen / hauwe als dann mit einem abtrit lang nach / Diß stuck hab ich darumb so eigentlich beschriben dieweil sonst vil gůter stuck hieraus genomen vnd gefochten können werden / derhalben magstu es nich allein sol lernen / sonder dem auch ferner leissig nach dencken. Wie ich dir dan auf dise art noch ein stuck mit einem andern anfang setzen will / also.

Ein anders.

IM zůfechten so du in Tag oder Oberhůt kommest / so laß die klingen vor dir vndersich sincken wie vor / gegen deiner Lincken seiten / vnd zůck vmb dein Kopff / trit vnnd hauw einen vberzwerchen Mittelhauw / mit Langer schneid gegen seiner Lincken / zů seinem halß oder schlaff / als bald er riert / so zůck wider vmb den Kopff / vnd hauw den andern auch ein Mittelhauw vberzwerch von deiner Lincken gegen seiner rechten / auch dem halß zů / so bald es glützt so háuw den dritten ein hohen streich mit Langer schneid gerad von Oben / Diese drey Hauw aber sollen in einem flug bhendt auff einander gohn / Mag dir denn mehr blatz werden so erhebe dein Knopff gegen deiner Lincken vbersich / zůck also vmb den Kopff / vnd nim mit der flech oder kurtzer schneid / neben deiner Lincken von vnden durch sein Rechte / gegen deiner Rechten in einem riss vbersich aus / das dein kling in den lufft wider vmbflie=