You are not currently logged in. Are you accessing the unsecure (http) portal? Click here to switch to the secure portal. |
Difference between revisions of "Page:La noble science des ioueurs d'espee (Andre Paurenfeyndt) 1538.pdf/55"
(→Not proofread: Created page with "<section begin="1"/>{{par}} '''Courir dedens ou entrer''' '''Q'''uant vous voulez ens aulcun courir ce que ie ne puse pas, laissez avaller vostre espee quant vous venez a luy...") |
m (Michael Chidester moved page Page:La noble science des ioueurs d'espee (Andre Paurñfeyndt) 1538.pdf/55 to Page:La noble science des ioueurs d'espee (Andre Paurenfeyndt) 1538.pdf/55: Text replacement - "Paurñfeyndt" to "Paurenfeyndt") |
(No difference)
|
Revision as of 05:21, 8 July 2021
¶ Courir dedens ou entrer
Quant vous voulez ens aulcun courir ce que ie ne puse pas, laissez avaller vostre espee quant vous venez a luy, prenez la main droicte a tout la vostre senestre, & prenez a tout vostre main droicte sa gambe droicte par dedens & boutez vostre teste dessoubz la droicte aselle, ainsi le leverez, & portesle ou ruesle ou vous voulez.
¶ Rompure
Quant aulcun vous veult courir ens, entrez a tout vostre droict braz, oultre les deux braz & les pressez fort contre vous a tout vostre braz et marchez a tout vostre droict pied diriere le slien & tournez vous a vostre senestre coste, & par ainsi il tombera.
¶ Rompure ou lentrer
Quant aulcun en espee veult courir ostez vostre main droicte du lespee, & prenez la sienne main droicte par dehors a main trauerse, et le tirez enuers vous, lors prenez a tout vostre senestre main son cubit et luy prenez le poix.
¶ Ung aultre
Ostez vostre main du lespee, et entrez a vostre main droicte oultre la sienne, et par icelle pressez en bas, & a tout la gauche main luy prenez le poix par le cubite.
¶ Prendre lespee
Quant vous luy avez prins son espee au vostre en ta senestre main et sil demeure en bas a tout les braz: levez vostre pommeau par deseur son espee devant la droicte main, et tirez sur vostre coste dextre, par ainsi vous demoureront les deux espees.