Wiktenauer logo.png

Page:Le Maniement d’Armes De Nassau (Adam van Breen) 1618.pdf/71

From Wiktenauer
Jump to navigation Jump to search
This page needs to be proofread.


Enseignement brief et succinct, touchant le droict usage de tout ce que sera besoing au Soldat, en maniant la Targe avec l’Espée, laquelle Instruction se monstre sur chasque Figure par les Chiffres suyvants: & ainsi s’accordent aussi les escrits avec les figures.

Le Soldat portant la Targe.

Premierement en l’exerciçe de la Targe, se monstre devant toutes choses, comme il se mettra en posture, & tenant la Targe pendue au derriere du dos, il attend autre commandement de son Capitaine.

2. Comme avec plus de commodité il presentera la Targe de derriere son dos au devant du corps promptement, à sçavoir, en retirant son pied gauche, & secoüant son espaule gauche, il fera glisser la Targe au devant.

3. Comme il tiendra sa Targe preste à l’Espée, à sçavoir, qu’avec sa main dextre il tiendra ferme la Targe au dessus, afin de pouvoir tant mieux mettre sa main entre les courroyes, pour tenir ainsi preste son Espée à la tirer dehors.

4. L’on y enseigne, comment il tirera son Espée le plus commodieusement, à sçavoir, qu’il luy faudra tenir un peu la Targe estoignée du corps, afin de tirer Espée sans aucun empeschement.

5. Comme en representant son Espée tirée, il ne tiendra la main non plus hault, que sa veüe.

6. Comme en tenant sa Targe derechef contre son corps, & l’espaule gauche, il aura mis son Espée entre la Targe & son espaule susdite: attendant en une telle posture ce qu’on luy voudra commander d’avantagc.

7. Comme il luy faudra serrer son Casquet, afin que cela se face avec commodité promptement: Il le serrera avec son poulce & premier doigt, & tiendra ferme son Espée ce neantmoins avec les autres doigts, afin qu’il soit incontinent prest.

8. Comme il se couvrira bien soy-mesme: par ainsi il luy faudra tenir la Targe devant soy, contre le genoüil gauche, & au dessus contre la mesme espaule, pour la tenir bien ferme de ce costé là, à l’encontre l’Estocq, ou la taille: Et au çosté ou flane droict il se soustiendra aussi avec la garde de l’Espée, jusqu’à tant qu’il s en puisse servir.

9. Comme il se monstre par devant, afin de representer tant mieux, combien peu son Ennemy le peut endommager.

10. Comme il se redressera, & se tiendra de bout en la mesme maniere, comme il se monstre en la sixjesme Figure.

11. Comme il remettra son Espée dans le fourreau, il la luy faudra auparavant tenir ferme en sa main gauche, pour ainsi aysement, & sans empeschement remettre son Espée.

12. Comme il retirera sa main hors des courroyes de la Targe, si faudra-il la tenir ferme de la main droicte, tout ainsi cōme la troisiesme Figure le monstre.

13. Comme la Targe pend sur le dos, & se monstre comme auparavant.

14. Il se represente icy en un rang, pour monstrer combien de prés il faudra qu’ils se serrent, en temps de necessité, ou autrement, quand l’Officier les y commandera.

15. Comme les rangs setlendront serrées, quand on leur commandera de se couvrir.