Wiktenauer logo.png

Page:MS 26-232 122v.png

From Wiktenauer
Revision as of 02:52, 29 December 2019 by Michael Chidester (talk | contribs)
Jump to navigation Jump to search
This page needs to be proofread.

die do vorgeschribenn stenn

Item das lert die 18 figur die Spricht Jag zw der R hand mit Iren kunstenn

Ob dw veriagest
vnd an danck linck Jagest
sein schwert aüff rast
Ring vnd stoß nit vast

Merck das Ist ob dein Ros also hert meulich wer oder das Sich dein widersacher also gen dir weret das dw must on danck in seiner linken seytenn zw Reytenn So leg dein Schwert In die hut auff die linken hand

Item haüt er dir oben zw dem kopff so var auff vnd versetz mit der langen schneydenn vnd kümstu mit der versatzung nahend an Inn so var auff mit deim linkenn arm vber sein Rechte hand vnd truck die vast vber sein linke seytten vnd stoß In mit dem dem knopff [!] wo dw hin wild

Item das lert die 19 figur die spricht Jagstu linck so vall auff schwertzs klos stos vnter augenn

Item wen dw Im sein Rechten arm In die linken seyten truckes so Reit nebenn Im hinweck so muß er das schwertt fallenn lassenn

Item auch magstu mit der linkenn hand In sein Rechte mit deim zawm vahenn vnd da mit hinweck Reyttenn

Item versetzt Im den vberhaw als vor auß der hutt vnd reitt neben Im hinweck vnd schlag Im mit einem freien vberhaw zw dem knopff

Item Jagt er auff dich mit der glefenn wen dw In der hut ligst so var hoch auff mit der R hant mit dem knopff auff dein linck seytenn vnd laß den ort neben dir nyder hangenn vnd weiß Im die glefenn ab vnd haw Im zw dem kopff oder setz Im ann zw dem hin Rennen

Item kumst nahend an In mit der linken seytenn vnd wil er schlahenn mit dem schwert so nim das Sünnen zaigenn so mag er sein nit gethon

Item auch magstu den schoffgriff nemen wen er sich mit der linkenn hant weren wil

Item kem er mit seyner linken seiten an dein R vnd wolt dich mit dem sunnen zeigenn werffenn vnd