Page:MS 26-232 123v.png

vnd mit dem hindern dich Stechenn zw paidenn seyttenn

Die schwertt nemen behalten ler on Schemen

Hie merck wie dw eynem sein Schwert solt nemenn vnd In dar zw behaltenn das er sich nit gewern mag Item Reitt zw der R seytenn vnd such sein Bloeß wie dw magst mit oder mit [!] stechenn versetzt er vnd kumpt nahend an dich so begreiff sein R arm hinter seiner R handt mit deiner linkenn vnd verkerten hand vnd Ruck den fur dich vnd halt In vest hin pey vnd peug dein linken arm auß wendig an bint seins schwertzs so muß er das schwert lassenn vallen vnd wen dw In also bey dem arm heltest so magstu In mit dem schwert schlahenn vnnd mit dem schoff griff werffenn wie dw wild oder mit dem zawm fahenn Item das lert die 25 figur vnd Spricht die messer nemen vnd behalten gedenck

Den vngenantenn den starckenn verwend Ir stechenn Ir schlahen verdirpt on alles vechten

Hie Merck wen dw eynen starckenn solt vberwindenn das er zw keyner wer kummen mag vnd die stuck treib wen dw mit deiner linken an sein R kummest Item wen dw mit deiner linken seyten an In kumest vnd hat er dan sein wer gezogen es sey schwert messer oder tegenn vnd will dich schlahen oder stechen so begreiff mit deiner R hand sein R arm vorn bey der hand vnd reib Im den vmb vnd ruck den vnter dein prust vnd leg dich mit dem leib dar auff so Brichst Im den arm das Ist der vngenant griff Item wiltu Im den arm nit prechen wen dw In hast getruckt vnter dein prust so begreiff mit deiner linken handt an sein R elbogenn vnd stosß In da mit von dir vnd begreiff mit deiner R hand sein schwert bey dem knopff oder bey der handhaben vnd zuck da mit an dich so nymstu In das schwert das lert die 23 figur die Spricht der vngenant griff wa[?] nimpt oder velt hin