Wiktenauer logo.png

Page:MS 3227a 11r.jpg

From Wiktenauer
Jump to navigation Jump to search
This page needs to be proofread.

Von dem herten etc

nNu spricht meister alkaym / das dy erste herte / ist allermeist yn kaldem wasser und dy ist gemeyne / Und dy herte irkenne alzo / wenne dy sneide blo ist zo hat is eyne rechte herte

In laem wassere werde dy linden sneiden

Senszcn dy sal man in uenslete herten

Ffeilen sal man in harne / ader in leyn oele / ader in buckes blute

Dy hamer do man dy feilen mete hewet ader alle wofen und do man stol niete schroten wil / dy herte alzo / Nym eyn teil rueberetich und eyn teil merretich und eynteil regenwuerme / engerlinge / und eyteil buckes blut / won der bok czu bruonsten / got / dy herte hat dy vier elementen gar / Das stos und eyn nander / und druecke das wasser aus / und was du denne dorynne herten wilt das sleiffe vor / und horte is denne dorynne

Was du denne gar herte haben wilt / das welle mit gerebenem sande czweiteil / und mit sweuel eyn teil auch gereben / das wirt denne gar herte /

Wiltu denne gar eyne grosse herte machen so nym trachenwortz mit krawte und mit al / und alzo vil eyserkrawtes / und sewt daz in lawterm wasser / und wenne das sere gesoten ist / zo setcze is abe / und laz is lawtern und gar kalt werden / und herte denne dorynne was du wilt / Und dy herte ist czu aller hande wofen gut /

Auch magstu herten yn senfe czu reben mit gutem essieg