Page:MS 3227a 29v.jpg

WO man von scheiden /
swert czucken siet von in beiden /
Do sal man sterken /
vnd dy schrete eben mete merken /
Vor · noch · dy czwey dink /
prüfe / vnd mit lere abe sprink /
·Volge allen treffen /
den starken / wiltu sy effen /
·Wert her ^so czucke /
stich / wert her / io czu ym rücke /
Dy winden / vnd hengen /
lere kunstlichen dar brengen /
Vnd prüfe dy ferte /
ab sy sint weich aber herte /
Ab her denne stark vicht
zo bistu kunstlich bericht /
Vnd greiffet /^{/ her} weite ader lenge an /
das schissen gesigt im an /
Mit synem slaen / harte
schützt her sich · triff ane forchte /
Haw dreyn vnd hurt dar /
rawsche hin / trif ader la varn /
Haw nicht czum swerte /
zonder stetzs der blössen warte /
Du treffest ader velest /
zo trachte das du der blössen remest /
Mit beiden henden /
czun ogen ort lere brengen /
fficht io mit synnen /
vnd allemal den vorslag gewynne /
her treffe ader vele /
mit dem nochslage czu hant reme /
Czu beiden seiten /
czu der rechten / seite ^hant im schreite /
So magstu mit gewynne /
fechtens ader ringens begynnen /