Item zu ros mit ritterlicher werr:
1 Jagen fon der prust zu seyner rechten hant
2 Umb ker mith deynem ros zeich sein rechte hanth mith deynner linckenn.
3 Auch streyffen satteil oder nim im dy wer.
4 Sez an hoch geschwynth durch var oder prych.
5 Das schutten fur henck alle treffen hawenn oder stechen.
6 Greyff an mit beden henden dye sterck.
7 Hye hebe an den man taschen hauen zu suchen.
8 Wynth im dye rechte hant, sez im den ort zu dem gsycht.
9 Wer deyn stych weret, dem fach seyn rechte hanth mith deyner lyncken.
10 Such dye ples arm leder hantschuch under augen.
11 Truck vast, stos, nim zaum und such sein messer.
12 Mith leren hant ler zwein streich gegen aller wer.
13 Der schaff gryff weret alle ringen under augen
14 In der nehe vach dy hant über sein anzlitz do der nackt ist.
15 Dye wer vach in der weyten in dem wyder reytten.
16 Jagstu durch, so val auff Schwerter klos, stos under augen.
17 Jagen zu der rechten hant mith irenn kunstenn.
18 Sez an den ort gegen dem gesycht.
19 Schut gegen allen treffen, dye ymmer werdenn.
20 Dye stergk in dem an heben, dar inn dych recht schyck.
21 Das ist in dem sperlauff der dem andern
22 Begeget under augen.
23 Ungenanter gryff wer nymant oder velt in.
24 Ob man dych jaget von beden seyten, ker umb, so er recht kumpt.
25 Anderwert kerum, so dye ros hyn herten.
26 Der messer nemen und behalten gedenk.
27 Uber greyff wer dych an felt oder thu im wyder reytens.
