Wiktenauer logo.png

Page:MS 963 69r.jpg

From Wiktenauer
Revision as of 22:38, 31 December 2019 by Michael Chidester (talk | contribs)
Jump to navigation Jump to search
This page needs to be proofread.

& figura

Item darinn sprycht dye zwenzigiste fygur Schut gegen allen treffen dy immer werden, das ist, das du solt stercken in allen an wynden etc

Schwert nemenn

Item wan du zu dem man reytest zu seynner stych im nach der plos mit gestrecktem arm, und haut er gleych mit dyr eyn und ist starck und sticht dyr dy plos mit dem ort, so far mit deynem lyncken arm von inwennig aussen uber seyn schwert und truck das fast in deyn lyncke seyten und reyt neben im hyn weg, so nymstu im das schwert

Und das leret dye sechzehent vygyr, dye sprycht139 dye wer foch yn der weyte in dem wyder reytten

Item ob du nahent an in komst, so var mit deynner lyncken hant auff seyn rechte und los in nycht zu der wer komen, treyb mit der lyncken hant dye stuck und ryngen, dye dan vor nach geschryben sten etc

Oder umker
gerwt zu jagen der wer
mit allenn kunstenn,
der do jagt, der schyckt nach gunstenn

Item wan du mith eynnem zu der lyncken seyten zu reytest und dych deyn ros uber tryg, das du zu den vorgeschryben stucken nycht komen kynest, so las deyn ros nit vern von im lauffen, und wyrff das ros umb auff deyn lyncke seyten, also das du myt deynner lyncken seyten an seyn rechte komest, und treyb dy stuck und dye ryngen und alle kunst, dye zu der rechten seyten geheren, dye do for geschryben sten