Item wan du mit deyner lyncken seyten an in komest und hot er dan seyn wer gezogen, es sey swert, messer aber degen, und wyl dych schlagen aber stechen, so begreyff sey mit deyner rechten hant seynen rechten arm vorn bey der hant, und reyb in dan umb und ruck den um deyn prust und lege dych mit dem leybe darauff, so brychst im den arm, das ist der ungenante gryff etc
Schwert nemenn
Item wylt im den arm nicht prechen, wan du in hast getruckt undter deyn prust, so begreyff mit deyner lyncken hant an seyn rechten elbogen und stos in domit von dyr, und begreyff mit deyner rechten hant seyn schwerts knopff oder bey der hant haben und dryck domit an dych, so nympstu im,
das leret dy 23 fygur sprycht der ungenante gryff wor nympt aber felt inn
Wyltu anfassenn
neben reytten, soltu nicht lassenn
das sunen zeygenn,
den lyncken arm wyltu neygen,
das vor haubt tast
gegen nagck, truk ser vast,
das ersych schwencket
und selten wyder auff glencket
| Sunnenzeygen
