Wiktenauer logo.png

Page:MS A.4º.2 15v.jpg

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

seiner schwerdt klingen in die fleche, damit schwechstu ihn, das er sich khaum wider erhollen mag, zu einem andern streich, dhan eh er sich erhollet, bistu ihm mit verwenden oder schnellen uff seim kopf.

Bruch.

Vermerckestu das dir einer begegnet mit einem krumphaw uff dein herkhommenden streich dich zu schwechen, so wechsel behendt under seiner klingen durch, und arbeit ihm zu der seitten, von welcher er sein krumphaw bracht hatt. ¶

Wan eß riret und glitscht oben
Zuck ab zur blöß wiltu betoben

Daß ist ein seher gutter Reim, der dich ermant ernstlichen achtung zu haben, uff die furfallenden blöß, dhan das ist gewiß, gehstu ihm recht nach, so hastu so offt es riret, oder zwen streich oben zusamen glitschen, ein bloß unden, wirt dir nicht fellen das merck durch etlich stuck also.

Merck in zufechten schick dich in die zorn hutt so bald du dir drauest den man zu erlangen, so thrit und haw von deiner rechten ein gewaltigen oberhaw mit ihm hinein, in dem es glischt, so schlag behend umb, mit einer zwirch, zu seinem lincken ohr mit einem abtrit deines lincken fuß hinder dein rechten, so triff gleich zwey mol, oder volbringst zwen streich ehe er einen.