Page:MS A.4º.2 83r.jpg

Item sticht dir einer zu deiner rechten, so dempfe von dir uff dein Recht, so kommestu in rechten Ochsen Pflug, stich ihm auß dem Pflug ubersich zum gesicht, das muß er wehren, haw indes behendt ein underhaw von deiner rechten durch sein linck, und stich in uber die handt zum gesicht ¶

Balgen in Rapier

Das balgenn ist ein auszug und der rechte kernn auß den beyden wehren Dusekenn und Rapier zu samen gesetzt, welches so verstendtlich unnd eygentlich abgetheilt unnd gestelt, das ein jeder der die vier hew nur kan auß der Lenge von sich hawenn, wol verstehen kann und nutzlich darauß lernen, ob er auch nur ein schlecht schulrecht gelehrt und erstlich wirdt darin gelehrt die hew ordentlich hawenn zu unnd durch den man wie die verzeichneten Linien ausweisenn, Zum andern, so aber solche hew auf dich gehawenn wurdenn, wie du solchen begegnen,