nahe bey seiner hanndt zwischenn deine beide hende und stoß in das gehuls in sein gesicht.
Einbrechenn uber den Bogenn.
Merck in zufechtenn kum mit dem Lincken fuß vor halt dein Dusekenn nebenn deiner rechtenn umbgreiff dein handthab wol das du dein Dusekenn krumb habest indes trit, haw also krump uber sein bogenn hinein Reiß undersich auf dein Linck seitenn auß thrit mit deim rechtenn vmb sein rechten, schlag also auswendig uber sein rechtenn Arm hoch uber zum Kopff denn andern krumpt under seim rechten arm zum gesicht oder zu seiner Linckenn mit eim austrit. ¶.
Item wan du also eim aussen uber sein rechten arm schlechst wie oben gemelt und er fert hoch ubersich so thrit behenndt auß und haw in krump vornen hinein zum gesicht.
Ein geschwindt stuck.
