Wiktenauer logo.png

Page:MS B.26 036r.png

From Wiktenauer
Revision as of 19:17, 16 March 2014 by Michael Chidester (talk | contribs)
(diff) ← Older revision | Latest revision (diff) | Newer revision → (diff)
Jump to navigation Jump to search
This page has been proofread, but needs to be validated.

EIn gut Ringen wen dw mit aim gleich gefast hast auf der selben seiten den arm den dw vnter hast heb In vast vnten bey dem wames Vnd wart In auf den selben fus wen er In fur setzt So trit mit deim forsten pain herfur vnd setz Ims hinter das selb pain / vnd In dem setz[e]n So setz Im den obern arm auch an den hals vnd prich In oben vber das pain an den Ruck[1]

EIn and[er] ringen aus den fussen / wen dw mit ainem geleich gefast hast / so greiff In lindeglich an / wen er den aller [?] traw so zuck In zu dir vnd schlah Im ein pain hinten an sein pain das er dir fur hat gesetzt In die kniepug / vnd wurff In vber das pain hintersich an den Rucken[2]


EIn gut Ringen mit zu lauffen aus den arme[n] oder fussen wie dw wilt so kimbstw wol dar zw hastw mit einem gleich gefast / vnd hast dein rechten arm vnter vnd wen es dir eben ist So greiff mit deim lnck en oberen arm durch sein Rechts vchssen vnd vas In bey der prust So kimbt Im auch sein Rechter arm vnter dein lincks vchssen dan heb gar vast mit deim vchssen vnd wen dw In also wol gefast hast So wurf dich vmb vnd Zuck dein recht[e]n vntern arm vnd In dem zucken vnd vmb werffen setz Im dein lincks pain vorn fur seine paide pain vnd wurff Im also den vber das pain mit deine[m] lincken arm bey seim rechten arm vnd prust an den Rucken oder auf die seit[e]n mus er fallen oder sein arm zuprechen

EIn gut ring[e]n an schaden auf baid seiten wen dw mit aim aus den armen ringest oder zu Im gest so er greiff In bey seim lincken arm hinten bey dem ellen pogen mit deiner Rechten handt vnd fas des arms nymer bis er felt vnd zuck In von dir auf sein Rechte seiten vnd pring dein ellenpogen durch sein vchssen vnd setz Innen an die prust vnd trit hinten zu Im [auf] sein seiten vnd greif mit deiner ledigen lincken handt vor dir ab vnd hinten In sein lincke kniepueg vnd heb Im das pain auf vnd prich In oben nider mit dem ellenpogen vnd wurf In auf den Ruck
  1. This paragraph is identical in wording (though not spelling) to folio 35r-a.
  2. This paragraph is identical in wording (though not spelling) to folio 35r-b.