Page:MS Bibl. 2465 006v.jpg

sonnder[!] far vnndenn durch zur anndernn seittenn der nechstenn plöß zw ⁋

Vberlauffenn ⁋

Überlauffenn gehert auff die vnnderhew wann dir einer vnden zu hawt so fall mit lannger schneidt obenn darauff mit sterck, Inndes er auffent sich zuschietzenn, so las überlauffenn vnnd arbeit zur andern plöß von welcher er kumenn ist ⁋

Absetzenn ⁋

Merck wann du im lanngenn ort stechest, vnnd ergegenn dier ficht, so sezt ab vonn beidenn seittenn ein streich zum anndern, arbeit Indes mit halber schneidt zur plöß ⁋

Abschneidenn ⁋

Abschneidenn ist wann man auff die harttenn mit der langen schneidt, vnd schneidt die vonn sich wegk ⁋

Zuckenn ⁋

Zuckenn ist wie im pleibenn gemelt, das so einer zur plöß hatt anngebunden vnnd zuckett wider, vnnd doch dahin wider vmbschlecht oder drawet wan welher er ab gezuckt hatt ⁋

Henndrucken

Merck wann einer vonn dir abzuckt vnnd fert vbersich, so folg im noch mit lannger schneidt auff die hend trucke also vonn dier wegk ⁋