Page:MS Bibl. 2465 053v.jpg

Ittem wan du im lincken Pflug stehst, vnd er sein wehr In der eisenpfort, oder zur lincken Inn der hutt, so stich im oder thraw ihm den stich zu seiner rechten achsell über dein handt von obenn hinein, has acht, als baldt er dem stos nach wischt zuuersezen, so las dein spietz sincken neben seim rechten arm, wechsell durch, vnd stich im vnder seim rechten arm von vnden auff zur kell, wert er den stich so heb dein gefes übersich vnndt stich im zum rechten fus als dann ein wechr streich von deiner Lincken durch sein recht ab, ⁋