darzu [!] ist im sein lincker arm blös, darin Er den dolchen fiertt sich zu schießen der Linck aber, helt sein Rechtenn arm stranke mit dem dolchen zur versatzung, vnnd wehrtt sich mit der Lincken, also württ der recht geschedigt mehr von Im, denn vom findt
¶ Aus disem Exempell Ist leichtlich zu mercken das alweg der den bestenn fortheill hatt der die wechr last machenn oder gübtt
¶ Diß hab ich dorumb Erzelt, Auff das sich Ein Jder der Einem Anndern Ein kampff wolte annbietten Auff solchenn list bedacht sej, vnnd nit Also Im zorn Erauß schawe, sonnder mit gdnig sich darzů anbietten, wie dann solches auch zu gelaßen mag werdenn, das Jren zwen Eins werden Im harnascht oder blos oder mit ausgethruckten wehren zu kempffen. Was Aber das fechtenn oder kempffen mit bloßenn leib, belangt vnnd was für forteill vnnd wie die zu brauhen sindt Ist bis her Im Rapir vnnd Anndern wehren gelehrt, vnnd gnugsam begriffen will jetzt alein die fortheill Im harnascht fechten wie die zu brauchen sindt, sezen vnnd ist zu mercken das gewönlich drej wehr Im harnasch bebraucht werden, Als Ein spis vnnd Ein schwertt Auch Ein dolchen, oder Ein dolchen unnd Ein sebell vmb gegürtt, vnnd Ein schwertt
