Page:MS Bibl. 2465 110r.jpg

Ittem wann du Inn geschwecht hast mit donerschlegenn wie obenn gelertt so fas dein schwerdt wie nechst Inn die ober hutt vnnd stich Im oben Ein Im stich las die Recht hanndt vom binndt vnnd zeich denn Sebell, Als baldt Er seinen auch zeicht so hawe Im zur hanndt vnnd folg baldt zu Im mit dem Sebell vonn vnnden Auff Ann seine Arm vnnd thritt mitt dem Rechten fus hinder sein lincken vnnd stos mit dem knopff für sein hals oder Ann sein Achsell oder Aber fus gesicht so felt Er ¶

Ittem hastu dein beüdt wecht gezogenn, so thritt zu Im mit dem Rechten fus vor vnnd denn Sebell halt in der Rehten hanndt dein schwerdt Inn der lincken zum stich thritt vnnd stich Im Obenn hinein zum gesicht vnnd fachr mit dem Sebell vonn vnnden auff zwischenn dür vnnd Im zur vorsazung zucke Inndes daß schwerdt obenn vm, vnnd stich Im zum gemecht, greüfft Er mit der lincken hanndt nach dem schwerdt, so las fachren vnnd greiff mit deiner Lüncken sein lünnck hanndt Ruck die zur vnnd stos mit dem Sebell auff sein gelenck vnnd thrit mit dem Rechtenn für sein Lincken, wendt dich auff dein Linck seitten vnd würff In über dein Recht bein, oder brüch Im sein arm, last Er aber die Recht handt ab vnd