Page:MS Dresd.C.94 307v.png

Item wollt er sein schwert ziechen, so far Im mit Deinnem rechten Arm durch seinnen rechten unnd truckh In fast zu dir, unnd wennde dein Roß vonn Im so fellt er.

Item hat er dann seinn schwert gezogen, Unnd will schlagen, so nimb den scharpff griff, unnd wenn du Im den scharpf griff thust, so prich Im sein rechten arm uber deinnen rechten arm mit deinner Linncken hannd.

Item wenn du begreiffest seinn rechte hannd Mit deinner Lincken, so truckh die fur dein prust, unnd wennd dein roß vonn Im, so fellt er.

Figura

Item darumb spricht die annder Figur umb ker mit dem Roß zeuch seinn rechte hannd mit deinner lincken.