This page needs to be proofread.
Ob sich verwanndlet
Das schwert gege schwert wirt gehanndlet
Recht faß die sterckh
Tauschen hawen such unnd Merckh
Das ist ob Ir baid von der Gleven werent kummen, Unnd wie das zuganngen were, Ee er zu seinnem schwert wer kummen, und du zu dem deinnem.
Item so Reiitt zu seiner rechten seitten, Unnd leg dein schwert auf dein linncke hannd, hawt er auf dich ain obern haw, so fach hoch auf mit deinnem schwert, unnd versetz den haw mit der lanngen schneidin, In der sterckh deins schwerts das der Ort zu seinner rechten seitten stee, unnd Inn dem stich, Im nach dem hals, fert er hoch auf mit der versatzunng unnd wehrt den stich so haw Im mit der lanngen schneiden nach dem zaum, oder nach der linncken hannd, unnd reitt neben Im hinweckh
