Wiktenauer logo.png

Page:MS Dresd.C.94 317v.png

From Wiktenauer
Jump to navigation Jump to search
This page needs to be proofread.

Item auch magstu In treiben wenn du zu Seinner lincken seitten zu reittest wenn er sich will weren, mit seinner linncken hannd.

Wer dich anfellet
Wider reittens der wirt gefellet
Hanng es gen der erden
Ubergreijff In recht mit geperden

Item das Ist ain slechts Rinngen, Reitt dir ainer zu der rechten seitten, unnd wehrt dir mit seinnem rechten arm umb den hals, far Im allso umb den seinnen, unnd hallt In fast hinden beij der Juppen, oder was er an hat, unnd hennckh dich nider auch In die linncken seitten, alls du von dem Roß wollest fallen, unnd zeuch In also nach dir vonn dem Roß, hastu dich zu seer nider gehanngen, das dich dunnckt du muessest auch fallen so hallt In fasst, so zeucht er dich wider ein hin In den sattel, mit seinem fal.