This page needs to be proofread.
Das ist ob du mit im ringen wild so solt du vor allen sachen wissen wie du im recht solt springen hinder seinen vorgesetzten fues vnd den selben vues solstu in mit der kunnst vorrigeln vnd verschliessen die dir hernach verklert werden
Ein ringen
Wenn du in an velst mit ringen vnd er dich wider so sich ob er ein vues hat furgesetzt oder nicht hat er denn keinen vor so ruck in zu dir oder stos in von dir so mues er fur tretten schrait er dann vor mit dem linckn fues so spring bald mit dem rechten fues hinder seinen linckn vnd peug dein rechs knie vnd druck in domit in sein linckh knikell vnd ruck in mit paiden henden daryber
