Wiktenauer logo.png

Page:MS KK5126 127v.jpg

From Wiktenauer
Jump to navigation Jump to search
This page has been proofread, but needs to be validated.

Item ob dw chumbst von cholbenn vnd von schilt so merck auf dy mort griff bey denn füessenn vntenn das drucken auf die schinpain treten auf die chnye griff zw denn hodenn die hüff ringen die stöß zw dem herczen die armpruch zw dem hals vnd den [n]aslechern zw den augen hinder dj ornn oder das Sunen Zaigenn

Das puckler fechtenn


Item das erst stuck mit puckler aus dem oberenn Haw treybest zw dem mann so secz deinen chnopf in wendig auf deinen schilt zw deinen daumen vnd stich in von vnden auf zw seinem gesicht vnd wind gegen seinem swert vnd laß vbersnappenn das get zw baiden seytenn

Der annder

Itm aus dem dem [!] vnderen wenn er dir oben zu haut von seiner rechtn seytenn so wind gegen Im auf dein tenncke seytn gegn seinem schilt so stest dw in zwain schilten So wind denn auf dein rechte seytenn ploß vnd greyff im nach dem maul wert er das vnd hebt denn schilt auf so nym das tennck pain das get auch zw baidenn seytenn

Das tritt

Item aus dem wechselhaw streich von der tenncken seytenn aus dem puckler vast vbersich In sein swertt vnnd haw Im dän der tenncken seytenn zw dem haubt vnd wind ploß vnd secz im nach dem maul Hebt er mit dem schilt vnd swert vnd wert das so haw mit der lanngn sneyd im nach dem rechtenn pain get auch zw paidenn seytenn /

das vierd

Itm aus dem sturczhaw thue sam dw im zw der tennckenn seytn vber sein schilt welst stechenn vnd far mit deinem ort vnden durch vnd stich im ṽnbendig seins gehilcz zw dem leyb vnd Indes wind auf dein tencke seytenn werdt er das so nym sein rechtes pain mit der lanngenn sneydt

das funfft

Nim dein chling zw deinem puckler yn dein tenncke hannd vnd winnd gegen Im als dw wol waist haut oder sticht er dir obenn zw dem gesicht oder vnden nach dem pain so la dein rechte hand vorn von dem pind vnd versecz im das mit schilt vnnd Swert vnd greyff denn mit deiner rechten hand auf sein rechte seyten nach dem schilt vnd fass denn schilt wol vnndersich vnd trö im auf dein rechte seytenn so hast dw im denn schilt genomenn

Hie hebt sich an der tegenn

Itm das erst stuck

sticht er dich von obenn nyder zw dem gesicht oder zw der brüst vor mit deinem tenckem arm von vnden auf vnd vach den stich in den tenncken arm vnd greyf mit der tenchten[1] hand von ym weg aussen vber sein rechten arm vnd truck in vast in dein tencke seytenn vnd stich dan in mit deinem tegn zw dem gesicht

Das ander stuck

thuet er sam er dir oben zw dem gesicht wel stechenn vnd macht dir ainen väler vnd wil dich in die seytenn stechenn so fach den stich in dein tenck / en arm vnd pvar den mit der tenncken hannd von vnden auf vber sein rechte hand Vnd druck vast an dein prust vnd stich in mit dem tegenn zw dem gesicht

Das trit stuck

Hiet er denn degenn geuast das die scheybenn bey seinem daumenn stet vnd vnd [!] stich dir aber obenn zw dem gesicht so far mit deinen tenckenn hannd von vnden auf Im beg seins rechten arm vnd ausen vber sein rechte hand vnd fach im die hand mit dem degenn In dein rechcz vechsenn vnd secz im mit deinem degen an wo dw wild

  1. Korrgiert aus »rechten«.