Dÿ schleg nit vermÿde
Mit gantzem liebe
Ficht was du starck gerest treÿbe
Daß vernym also wan du mit dem~ zuvechte~ ze dem mã kumpst waß du dan willt vechte~ dz soltu triben mit gantzer sterck dines libs vnd haulb Im do mit nahentt ein zu dem kopff vnd do zwinstu yn dz er versetzen muß vnd zu keynem durch wechsell dar vor nit kümen mag wann du kümpst ym ze nohe~tt mit dem ort kompt er dan mit der versatzung starck an din schwet so gib im eyn ruer vff sinen lincke~ arm vnd drit do mit zu ruck Ee er synn ynnen wirt
¶ hoer wz do schlecht ist
Hoer was do schlecht ist
Vicht nit linck ob du recht bist
Vnd ob du linnckest
In dem rechten du auch sere hinckest
Daß ist eyn gut lere vnd triffet an eynen lincke~ vnd eynem rechte~ vnd wisß wie du soltt
