Merck wan du den krümpt haulb tribest so müstu dich alwege~ do mit ploß geben vnd dz vernym also wan du mit dem krümpt haulb von diner rechte~ site~ ein haulbest oder an sin schwertt bindest die wiell bistu ploß mit der lincken site~ Ist er dan also gescheitt vñ will dir vom schwertt zu der ploß haulben vnd wil dich mit behendicheitt Irre machen so pleib mit dinem schwertt an dem sinen vnd volg dor an sinen haulb noch vnd wind im den ortt Indes zu dem gesichtt vnd arbeit im furbaß mit dem krieg zu den blossen so wurtt er verware nit wissen an welchen ende~ er sich vor dir vor haulben oder stichen hutten oder schutzen sol ~
Itm~ ein bruch wider den krümpt haulb
so du im den ortt vnter sin schwertt in schuest zu siner brust druck er dan mit dem krümpt haulb din schwertt vnter sich zu der andern erden so wind gegen siner rechte~ site~ vnd far mit dem arm woll vff vber dem hauptt vnd setz im den ortt oben an sin brust versetz er dir dz so pleib also stett mit dem gehultz vor dem hauptt vnd arbeitt behendeglich mit dem ort von eÿner plos zu der andern dz
