Wiktenauer logo.png

Page:MS M.I.29 023v.jpg

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

Item auch soltu gedencken dz du mit eynem yden zwer schlag alwegen weytt solt vsß springen vff eyn siten so magstu yn wol dar mit zu dem haupt griffen vnd wart dz du die will oben vor dem haupt mit dem gehultz woll gedack siest

feller werer furet ~

Feler werer füret
Von vnden noch wünsch ruret

Merck der feller ist eyn stueck do mit die vechter gepluewet werden vnd noch wunsch geruret vnd geschlagen die do gern versetzen vnd die do haulben zu dem schwertt vnd nicht zu den blossen des liebs ~

alliud ~

Item den feller tribe also wan du mit dem zu vechten zu dem man kümpst so haulb die vntern haulb von beiden siten chümstu dan yn in mit eynem vnter haulb von diner rechten siten so schueß im den ort do mit lang in zu der brust so muß er versetzen so spring bald mit dem lincken fus vff sin rechte siten vnd thün als du In mit der zwer dar zu schlagen wollest vnd verzuck den haulb vnd schlag bald wider vmb zu der lincken siten