Wiktenauer logo.png

Page:MS M.I.29 024r.jpg

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

oder kümpstu von der lincken siten mit dem vnter haulb an yn so schuß im den ort oben lang in vnd tribe dz gefertt als vor an zu dem nechsten geschreben stetht

verker zwingett ~

Verker zwinget
durch louffen auch mit ringet
den elnbogen nÿm gewiß
Spring ÿm yn die woge

Merck den verkerer soltu verdack dar brengen yn dem zu vechten wan do mit zwingstu den man dz du yn magst durch lauffen vnd recht gefassen mit ringen ~  

Item den verkerer tribe also wan du mit dem zu vechten die helfft zu dem man gegangen bist vnd gat furbas die andern helff zu ym ye mit dem lincken fus vor vnd haulb von der rechten siten nach yedem zu dritt eynen fryhen vnter haulb din lincken fus noch vnd mit dem haulb so verker oder wind die lang schnid des schwertz alwegen vber sich vnd als bald du ym do mit an sin schwert bindest so heng Im Indes den ort eben yn vnd stich im zu dem gesicht versetz er dan den stich vnd fert hoch vff mit den armen so lauff im durch