vnten nicht erlangen vnd vert er dan von vnte~ vff vnd versetz so plib mit der lange~ schnide~ starck avff dem schwertt vnd arbeitt behendeglich zu den nesten ploß ~
Itm~ merck wen du im starck vff sin schwertt bindest gebünde~ hast schlecht er dan vß der versatzüng vmb dir zu der andern siten so bind im aber mit der lange~ schnide~ starck vff din schwertt oben zu dem kopff vnd arbeit zu der ploß als vor dz tribe zu beÿde~ site~ |¶ lere ab setzen
Leren ab setzen
Heulb stich künstlich letzen
Wer vff dich sticht
Den ort trifft vnd sinen bricht
Von beyde~ sitenn
Triff alle mol wiltu schritten
Merck wen dü mit dem zu vechte~ zu Im kümpst stelt er sich dan gege~ dir als woll er stechen so setz dinen lincken fus vor vnd leg dich gege~ im In pflüg zu diner rechte~ site~ vnd geb dich ploeß mit diner lincken Sticht er dich dann zu der ploeß so wind mit dinen schwertt auff din lincke site~ gege~ sine stich die kurtz schnid an sin schwertt vnd setz do mit ab den ortt ab gege~ dir Im so pleib sten vnd schrit do mit zu mit dem rechte~ fus vnd stich
